Şriftin ölçüsü :

Saytın rəngi :

BAYRAM TƏDBİRİNDƏ MÜƏLLİMLƏRƏ FƏXRİ FƏRMANLAR VERİLİB

05 oktyabr 2019 | 16:00

Şəmkir Rayon İcra Hakimiyyəti və Şəmkir rayon Təhsil Şöbəsinin birgə təşkilatçılığı ilə 5 oktyabr –Beynəlxalq Müəllimlər Gününə həsr olunmuş bayram tədbiri keçirilib.

Tədbirdə iştirak edən Şəmkir Rayon İcra Hakimiyyətinin başçısı Alimpaşa Məmmədov çıxış edərək bildirib ki, cəmiyyətdə belə bir fikir formalaşıb ki, müəllim əməyi əsl vətənpərvərlik nümunəsidir: “Müəllim təhsildə əsas sima, ən nüfuzlu şəxsdir. Azərbaycan dövləti onların şərəfli əməyini həmişə yüksək qiymətləndirib. Ümummilli lider Heydər Əliyev deyirdi: “Həyatını müəllimliyə həsr edən insanlar həqiqətən fədakar, xalqına, millətinə sədaqətli və eyni zamanda qəhrəmanlıq göstərən insanlardır”. Ulu Öndərin siyasi kursunun layiqli davamçısı möhtərəm Prezidentimiz İlham Əliyev bu gün milli təhsilin inkişafına xüsusi qayğı ilə yanaşır. Sevindirici hal bir də odur ki, bu proses paytaxtla yanaşı, bütün bölgələri, o cümlədən doğma Şəmkiri də əhatə edir".

Tədbirdə çıxış edən təhsil işçiləri müəllim peşəsini seçməkdən qürur duyduqlarını qeyd ediblər. Natiqlər ölkə Prezidenti cənab İlham Əliyevin təhsilə göstərdiyi diqqət və qayğını yüksək qiymətləndiriblər.

Sonra rayonun ictimai-siyasi həyatında yaxından iştirak edən və tədrisdə fərqlənən bir qrup müəllimə rayon İcra Hakimiyyətinin “Fəxri Fərmanı”, bir qrup müəllimə isə rayon təhsil şöbəsinin və Azərbaycan Təhsil İşçiləri Azad Həmkarlar İttifaqı Şəmkir rayon komitəsinin diplom və mükafatları verilib.

5 oktyabr –Beynəlxalq Müəllimlər Günü musiqiçilərin ifasında bayram tədbiri ilə davam etdirilib.

 

 

Keçidlər