Körpələrin heyrətamiz düşüncələri - "Bağçanın təqdimatı"

Son illər ölkəmizdə uşaq bağçalarının tikintisinə, təmirinə, müasir standartlara uyğun yenidən qurulmasına böyük önəm verilir. Çünki bağça uşaqların həyatında mühüm rol oynayır, məhz bağçada uşağın şəxsiyyət kimi formalaşmasının bünövrəsi qoyulur. Burada uşağın təxəyyülü, təfəkkürü, yaradıcılıq qabiliyyətləri, insani keyfiyyətləri, fiziki bacarıqları inkişaf edir.

Tikinti-quruculuq işlərinin geniş vüsət aldığı Şəmkir rayonunda yeni bağça binalarının tikilməsinə və yaxud da əsaslı şəkildə təmir olunmasına da böyük önəm verilir. Azyaşlı körpələrin sağlam mühitdə böyüməsi, yüksək şəraiti olan bağçalarda təlim-tərbiyə olunması üçün hər cür imkanlar yaradılır, müasir inventar və avadanlıqlarla təmin edilir.

Şəmkir rayonunda körpələrin inkişafı, sağlam böyüməsi üçün abadlıq-quruyculuq işlərinin aparılması ilə yanaşı, keyfiyyətli təhsil alması da rayon rəhbərliyinin diqqət mərkəzindədir.

Bu işlərin içərisində ən diqqət çəkəni isə “Bağçanın Təqdimatı” layihəsidir. Layihə çərçivəsində rayonun müxtəlif qəsəbə və kəndlərində yerləşən körpələr evi-uşaq bağçalarının kollektivləri, xüsusilə də balaca fidanlar izləyicilərə öz məharətlərini göstərirlər.

Bu gün növbəti təqdimatı Şəmkir şəhər 7 saylı körpələr evi-uşaq bağçasının kollektivi edib.

Uşaq bağçasının körpə fidanları bir-birindən maraqlı kompozisyalarla izləyicilərin diqqətini çəkməyi bacarıblar.
Körpələrin məharətlərinə heyran qalan rayon İcra Hakimiyyətinin başçısı Alimpaşa Məmmədov gözəl təqdimata görə uşaq bağçasının kollektivinə təşəkkürünü bildirib.