Şəmkir məktəbliləri “Ölkəmizi tanıyaq” ekskursiya turu üzrə Quba, Qusar , Xaçmaz rayonlarına yola düşdülər.
13. 08. 2014-cü il tarixində Şəmkir rayon ümumtəhsil məktəblərindən 40 nəfər əlaçı və nümunəvi şagird “Ölkəmizi tanıyaq” ekskursiya turu üzrə Quba, Qusar, Xaçmaz rayonlarına yola düşdülər.
Əvvəlcə Heydər Əliyev Mərkəzində şagirdlər Ulu Öndər Heydər Əliyevin abidəsini ziyarət etdilər. Mərkəzdə şagirdlərə ekskursiya haqqında ətraflı məlumat verildi və qeyd olundu ki, ekskursiyanın həyata keçirilməsində əsas məqsəd şagirdləri ölkəmizlə daha yaxından tanış etmək, tarix və mədəniyyətimizi yaxından tanıtmaqdır. Sonda xatirə şəkli çəkildi, məktəblilərə maraqlı və xoş səyahət arzulandı. Heydər Əliyev Mərkəzinin qabağından məktəbliləri xüsusi avtobusla Şəmkir Rayon İcra Hakimiyyəti Aparatının işçiləri, Təhsil Şöbəsinin nümayəndələri və valideyinlər ekskursiyaya yola saldılar.
